திரையரங்க உரிமையாளர்கள் சங்கம் முதலமைச்சரிடம் முன்வைத்த 9 முக்கிய கோரிக்கைகள்

திரையரங்க உரிமையாளர்களின் முக்கிய கோரிக்கைகள்

தமிழகத்தில் திரையரங்கத் தொழிலை பாதுகாக்கும் நோக்கில், திரையரங்க உரிமையாளர்கள் சங்கம் சார்பில் முதலமைச்சர் விஜய்யிடம் 9 முக்கியமான கோரிக்கைகள் அடங்கிய பட்டியல் சமர்ப்பிக்கப்பட்டுள்ளது. மின்கட்டணம், சொத்து வரி, ஊழியர்களின் ஊதியம், பராமரிப்புச் செலவுகள் உயர்வு மற்றும் ஓடிடி (OTT) தளங்களின் நேரடி வெளியீட்டுப் போட்டி காரணமாக திரையரங்கங்களின் இயக்கம் பெரிதும் பாதிக்கப்பட்டுள்ளதாக சங்கம் தெரிவித்துள்ளது.

டிக்கெட் கட்டணம் மற்றும் பராமரிப்பு உயர்வு

சங்கம் முன்வைத்துள்ள கோரிக்கைகளின்படி, அதிகபட்ச டிக்கெட் விலையை ரூ.150-ல் இருந்து ரூ.250 ஆக உயர்த்த வேண்டும் என்றும், ஒவ்வொரு 2 ஆண்டுகளுக்கு ஒருமுறை தானாகவே 10% டிக்கெட் கட்டணத்தை உயர்த்த அனுமதிக்க வேண்டும் என்றும் கோரப்பட்டுள்ளது. மேலும், ஒரு டிக்கெட்டுக்கான திரையரங்கப் பராமரிப்புக் கட்டணத்தை ₹6-ல் இருந்து ₹10 ஆக உயர்த்த வேண்டும் என வலியுறுத்தப்பட்டுள்ளது.

இதர சலுகைகள் மற்றும் நேர நீட்டிப்பு

தகுதியுள்ள திரையரங்குகளை குறு, சிறு மற்றும் நடுத்த நிறுவனங்கள் (MSME) பிரிவில் சேர்த்து குறைந்த மின்கட்டணம் வசூலிக்கப்பட வேண்டும். டிஜிட்டல் புரோஜெக்டர் இயக்க உரிமம் பெற்ற ஆப்பரேட்டர் கட்டாயம் என்ற விதியை நீக்குவதுடன், கிரிக்கெட் போட்டிகள், இசை மற்றும் கலாச்சார நிகழ்ச்சிகளை திரையிட அனுமதிக்க வேண்டும். மேலும், திரையரங்குகள் செயல்படும் நேரத்தை காலை 9 மணி முதல் நள்ளிரவு 2 மணி வரை என்பதற்குப் பதிலாக காலை 6 மணி முதல் நள்ளிரவு 2 மணி வரை நீட்டிக்க வேண்டும் என கோரப்பட்டுள்ளது. இந்த கோரிக்கைகளை விளக்க செய்தி மற்றும் விளம்பரத்துறை அமைச்சரைச் சந்திக்கவும் அனுமதி கோரப்பட்டுள்ளது.