லஞ்சம் பெற்ற VAO.. பொறிவைத்து பிடித்து லஞ்ச ஒழிப்பு போலீசார்

நீலகிரி மாவட்டத்தில் அதிர்ச்சி

நீலகிரி மாவட்டம் மஞ்சூரில் பட்டா மாற்றுவதற்காக ரூ.1.25 லட்சம் லஞ்சம் பெற்ற பெண் கிராம நிர்வாக அலுவலர் (VAO) உமா பிரியாவை லஞ்ச ஒழிப்பு போலீசார் பொறிவைத்து கைது செய்துள்ளனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

லஞ்சம் கேட்ட வி.ஏ.ஓ

வசந்த் என்பவரது தந்தை பெயரில் உள்ள பட்டாவை தன் பெயருக்கு மாற்றித் தருவதற்காக, 25 வயதான பெண் வி.ஏ.ஓ உமா பிரியா ரூ.1.25 லட்சம் லஞ்சம் கேட்டுள்ளார். இது குறித்து வசந்த் லஞ்ச ஒழிப்புத்துறையில் புகார் அளித்துள்ளார்.

லஞ்ச ஒழிப்பு போலீசார் நடவடிக்கை

புகாரின் அடிப்படையில் லஞ்ச ஒழிப்பு போலீசார் திட்டமிட்டு, ரசாயனம் தடவிய பணத்துடன் வி.ஏ.ஓ உமா பிரியாவை பொறிவைத்து பிடித்தனர். விசாரணையின் அடிப்படையில் அவர் மீது சட்டப்படி நடவடிக்கை எடுக்கப்பட்டு வருகிறது.