543 புற்றுநோய் மருந்துகளின் விலை குறைப்பு: நவ்.9ஆம் தேதி முதல் அமலுக்கு வரும் புதிய விலை

புற்றுநோய் மருந்துகளின் விலை அதிரடி குறைப்பு

பொதுமக்களுக்கும், குறிப்பாக புற்றுநோய் சிகிச்சை பெற்றுவரும் ஏழை, எளிய மக்களுக்கும் பெரும் நிவாரணம் அளிக்கும் வகையில் 543 புற்றுநோய் மருந்துகளின் விலைகள் குறைக்கப்பட்டுள்ளன. இந்த புதிய விலை குறைப்பு நவ்.9ஆம் தேதி முதல் நாடு முழுவதும் அமலுக்கு வருகிறது.

முக்கிய மருந்துகளின் புதிய விலை விவரங்கள்

வெளியிடப்பட்டுள்ள பட்டியலின்படி, மார்பக புற்றுநோய்க்கான 'PALBOCICLIB' மருந்து பழைய விலை ரூ.40,421-லிருந்து ரூ.2,720 ஆகக் குறைக்கப்பட்டு 93% விலை குறைப்பு செய்யப்பட்டுள்ளது. கீமோதெரபி ஊசி (THIOTEPA - 100MG) பழைய விலை ரூ.80,072-லிருந்து ரூ.7,150 ஆகக் குறைக்கப்பட்டு 91% விலை குறைப்பு பெற்றுள்ளது.

மேலும், புற்றுநோய் ஊசி (PERTUZUMAB - 420MG) ரூ.94,951-லிருந்து ரூ.30,593 ஆகவும் (67% குறைவு), BEVACIZUMAB (400MG) ஊசி ரூ.69,852-லிருந்து ரூ.13,512 ஆகவும் (80% குறைவு), புரோஸ்டேட் புற்றுநோய்க்கான ABIRATERONE (120 மாத்திரைகள்) ரூ.28,000-லிருந்து ரூ.4,840 ஆகவும் (82% குறைவு) குறைக்கப்பட்டுள்ளன. லுகேமியா / இரத்தப் புற்றுநோய்க்கான DASATINIB மருந்து ரூ.17,811-லிருந்து ரூ.1,808 ஆகக் குறைக்கப்பட்டு 90% விலை குறைவு எட்டப்பட்டுள்ளது.

நோயாளிகளுக்கு கிடைக்கும் மாபெரும் நிவாரணம்

புற்றுநோய் சிகிச்சைக்கு ஆகும் அதிகப்படியான செலவு பல குடும்பங்களை பொருளாதார ரீதியில் படுத்தி வரும் நிலையில், இந்த விலை குறைப்பு நடவடிக்கை நோயாளிகளுக்கு பெரும் ஆறுதலைத் தந்துள்ளது.