பள்ளிகளில் ஆசிரியர்களுக்கான இடைவேளை நேரத்தில் கட்டுப்பாடு!

ஆசிரியர்களுக்கு புதிய கட்டுப்பாடுகள்

தமிழகத்தில் உள்ள அரசு மற்றும் அரசு உதவி பெறும் பள்ளிகளில் பணியாற்றும் ஆசிரியர்களுக்கு பல்வேறு புதிய கட்டுப்பாடுகள் விதிக்கப்பட்டுள்ளன. அதன்படி, ஆசிரியர்கள் பணி நேரத்தில் எந்தக் காரணத்திற்காகவும் பள்ளியை விட்டு வெளியே செல்லக்கூடாது என உத்தரவிடப்பட்டுள்ளது.

உணவு இடைவேளைக்கும் தடை

வழக்கமாக மதிய உணவு இடைவேளை நேரங்களில் ஆசிரியர்கள் வெளியே சென்று வருவது வழக்கம். ஆனால், இனி உணவு இடைவேளை நேரத்திலும் ஆசிரியர்கள் பள்ளி வளாகத்தை விட்டு வெளியே செல்லக்கூடாது என கண்டிப்பான அறிவுறுத்தல் வழங்கப்பட்டுள்ளது.

உயர் அதிகாரிகளுக்கு தகவல் தெரிவிக்க உத்தரவு

பள்ளிச் சூழலில் ஏதேனும் அசாதாரண நிகழ்வுகள் நடந்தால், உடனடியாக உயர் அதிகாரிகளுக்குத் தெரிவிக்க வேண்டும் என்றும், அவசர சூழல் ஏற்பட்டால் உயர் அதிகாரிகளைத் தொடர்பு கொண்டு ஆலோசனை பெற வேண்டும் எனவும் அனைத்து மாவட்ட முதன்மை கல்வி அலுவலர்களுக்கும் பள்ளிக்கல்வித்துறை சார்பில் அறிவுறுத்தப்பட்டுள்ளது.