கமிஷன் FREE கரப்ஷன் FREE: அமைச்சரவைக் கூட்டத்தில் முதல்வர் விஜய் திட்டவட்டம்!

அமைச்சரவைக் கூட்டம்

தலைமைச் செயலகத்தில் முதலமைச்சர் விஜய் தலைமையில் நடைபெற்ற அமைச்சரவைக் கூட்டத்தில் அரசு டெண்டர்கள் மற்றும் திட்டப்பணிகள் குறித்து விரிவாக விவாதிக்கப்பட்டது. இந்த கூட்டத்தின் போது, மாநிலத்தில் செயல்படுத்தப்படும் பல்வேறு திட்டங்கள் மற்றும் அரசு டெண்டர்களில் முழுமையான வெளிப்படைத்தன்மை கடைபிடிக்கப்பட வேண்டியதன் அவசியத்தை முதல்வர் திட்டவட்டமாகத் தெரிவித்தார்.

கமிஷன் மற்றும் கரப்ஷன் ஒழிப்பு

'கமிஷன் FREE கரப்ஷன் FREE' என்பதே அரசின் முக்கிய இலக்கு என்று குறிப்பிட்ட முதலமைச்சர் விஜய், டெண்டர் விவகாரங்களில் அமைச்சர்கள் அனைவரும் மிகுந்த கவனமுடன் செயல்பட வேண்டும் என எச்சரித்தார். மேலும், இந்த கொள்கையில் எந்தவித சமரசத்திற்கும் இடமளிக்கக் கூடாது என்றும், அமைச்சர்கள் தங்களது துறைகளில் ஊழலற்ற நிர்வாகத்தை உறுதி செய்ய உறுதியுடன் இருக்க வேண்டும் எனவும் கேட்டுக்கொண்டார்.

அமைச்சர்களுக்கு கடுமையான எச்சரிக்கை

அரசின் நற்பெயருக்கு களங்கம் விளைவிக்கும் எந்தவொரு செயலையும் அனுமதிக்க முடியாது என்று சுட்டிக்காட்டிய முதலமைச்சர், பொதுமக்களுக்குச் செல்லும் திட்டங்கள் துரிதமாகவும் வெளிப்படையாகவும் சென்றடைய வேண்டும் என்று அறிவுறுத்தினார். இக்கூட்டத்தில் அமைச்சரவை சகாக்கள் பலரும் கலந்துகொண்டு அரசின் கொள்கை முடிவுகள் குறித்து ஆலோசித்தனர்.