தீபாவளிக்கு மறுநாள் பொதுவிடுமுறை: தமிழ்நாடு அரசு அறிவிப்பு

தீபாவளி மறுநாள் பொதுவிடுமுறை

நவம்பர் 8 ஞாயிற்றுக்கிழன்று தீபாவளி கொண்டாடப்படும் நிலையில், நவம்பர் 9 திங்கள்கிழமையை பொதுவிடுமுறையாக தமிழ்நாடு அரசு அதிகாரப்பூர்வமாக அறிவித்துள்ளது. பொதுமக்கள் தாங்கள் சொந்த ஊர்களுக்குச் சென்று தீபாவளி கொண்டாடிவிட்டு சிரமமின்றி திரும்பும் வசதியை ஏற்படுத்தித் தரும் வகையில் இந்த நடவடிக்கை எடுக்கப்பட்டுள்ளது.

ஈடு செய்யும் வேலை நாள்

நவம்பர் 9ஆம் தேதி அளிக்கப்படும் பொதுவிடுமுறையை ஈடு செய்யும் விதமாக, நவம்பர் 28ஆம் தேதி சனிக்கிழமையன்று அரசு அலுவலகங்கள் மற்றும் கல்வி நிறுவனங்கள் பணிநாளாக செயல்படும் என தெரிவிக்கப்பட்டுள்ளது. இந்த அறிவிப்பு மூலமாக வெளியூர்களில் தங்கி வேலை செய்பவர்கள் மற்றும் மாணவர்கள் தங்களின் பயணங்களை எவ்வித சிரமமுமின்றி திட்டமிட ஏதுவாகியுள்ளது.